الحب يا جماعه شئ حلو جدا بس مع الاشخاص اللي تستاهله الحب والعشق يجعلوا القلب
يزداد في دقه هحكيلكم قصتي انا
كنت بحب واحد وهو كمان فضلنا نبادل بعض بالنظرات وبعد كده جه وكلمني انا بصراحه
مكنتش اعرف عنه اي حاجه غير انه كان
شغال معايا في نفس الشركه هوب بدأ يتقربلي ويكلمني ويحاول يتلطف معايا وانا فرحانه جدا
بس تقلانه عليه هعمل اي ما انا
كنت مستنيه الوقت ده بفارغ الصبر وبعد ما جابلي نسكافيه علي واحد شاي زاد الموضوع
ودخل في الورد بقي واروح الاقه علي
مكتبي وانا طايره من السعاده بس كنت بلاحظ نظرات الموظفين ليا باستغراب واللي بيبتسم باستهزاء
طيب في اي ياجماعه
عمركم ما شفتوا اتنين بيحبوا بعض ما علينا سيبك منهم تطور الموضوع وقالي انه نفسه
يتقدملي وعايز يرتبط بيا انا بقي مكنتش
مصدقه نفس وهتجنن بقي ايوا هو ده اللي انا نفسي فيه اعيش معاه كنت هتجنن
من السعاده خلاص حبيبي هيكون ليا وبعد
سنه اعجاب وتلاطف ونظرات وهدايا اخيرا هيطلب ايدي لحد ما جت الصاعقه علي دماغي في
يوم رايحه الشغل كالعاده لقيت
زميل ليا واقفلي عند باب الشركه طبعا مكلمتهوش انا مرتبطه وبحبه انت مين قالي اللي
انتي فيه ده غلط قولتله ده حب قالي
اختارتي الشخص الغلط ازاي يعني قالي ده عنده بيت وعيله ازاي تاخديه منهم انتي اي
انا طبعا كنت مسبهله ومش قادرة انطق
وبتهته في الكلام ومبحلقه اي ده ازاي قالي زي ما بقولك كده قولتله والله ما
اعرف قالي اهو عرفتي ياتري تصرفك هيكون اي
طبعا انا فضلت اليوم كله ساكته والكل لاحظ لحد ما جت صحبتي واللي رجعت من
السفر ورجعت شغلها وانا اول ما شفتها
اترميت في حضنها ازاي يكون متجوز وبكيت جامد هدتني وقالتلي احكيلي حكتلها كل حاجه قالتلي
مكلمتنيش لي كنت فهمتك
الموضوع ومن وقتها وانا ولا بشوفه واتنقلت قسم تاني بعدد ما كنت هسيب الشركه ما
انا مينفعش اكون حبيبته ولا ادمر بيت.
ويهوي القلب
انا مش حبيبتك
ويهوي القلب
